14 वर्ष देखी निरन्तर
समकालीन साहित्य

गीत

गीत विमला निरौला ढुंगाना June 14, 2020, 3:24 am

मुटु भित्र एउटा चित्र सजाको छु मैले,

त्यै चित्रको सहारामा रमाउंछु जहिले ।

विश्वासको सगरमाथा कोरेकी छु मनमा,

जँहा बसेनी गौरव गर्छु संधैं आफ्नो पनमा ।

नेपालकी कन्या म त भृकुटी र सिता

संसारमै फैलाई दिन्छु बुध्दत्वको गाथा ।

मन भित्र देशको माया साँचेकी छु मैले,

त्यै मायामा रमाउंछु सबै भन्दा पहिले ।

आफ्नो देश खोज्दा हरपल हृदयमा पाउँछु,

नयनभरी छाउंछ देश झुकी शिरचढाऊँछु ।

सबको मनमा गुराँस बनि फुल्न पाए हुन्थ्यो,

डाँफे बनि माटो चुम्दै डुल्न पाए हुन्थ्यो ।

मुटु भित्र एउटै रहर साँचेकी छु मैले,

त्यै रहरले पुगौंला घर चाहनामा जहिले ।।

घट्टेकुलो काठमाडौँ ।

(हाल भर्जिनिया युएसए)

लेखकका अन्य रचना पढ्न यहाँ क्लिक गर्नुहोस ।