14 वर्ष देखी निरन्तर
समकालीन साहित्य

गजल

गजल गणेश खड्का June 24, 2020, 9:42 pm

ढुङ्गा हुन पनि आउँछ फूल हुन पनि आउँछ

यो मुटु यस्तै छ प्रिय संगै रुन पनि आउँछ

पिडा लिएर भाग्छ पनि यो सहन नसकी

माया बोकेर कहिले त्यो दिल छुन पनि आउँछ

प्रेमले सकि नसकी दिएकै त हो औंठी पित्तलको

पहेँलो धातु उस्तै उस्तै हो किने सुन पनि आउँछ

सम्झ त ढुङ्गा कुँदेमा देउता पनि बन्छ नि

हुन त बाँस हो बनाए मिठो धुन पनि आउँछ

के गाली दिन्छौ गगनलाई बुद्धुु तिमी

जाबो पन्ध्र दिन प्रतीक्षा गरन जून पनि आउँछ

सानीभेरी- ४ ,रुकुम (पश्चिम)

लेखकका अन्य रचना पढ्न यहाँ क्लिक गर्नुहोस ।