14 वर्ष देखी निरन्तर
समकालीन साहित्य

गीत

गीत डम्बर बिकेल June 29, 2020, 4:41 pm

औँसीको यो रातमा जून खोज्दैछु म

ज्योति छर्ने जूनकै हुन खोज्दैछु म

हजारौँको भिडमा एक्लो एक्लो भएँ आज

सकिनँ हाँस्न सकिनँ बाँच्न दुनियाँ माझ

शिशिरको दिनमा फूल खोज्दैछु म

बास्ना छर्ने फूलकै हुन खोज्दैछु म

हजारौँ छन् मान्छे कसको भर यहाँ छ र

सकिनँ नाच्न सकिनँ बाँच्न एक्लै तर

मरुभूमि यो ठाउँमा जल खोज्दैछु म

प्यास मेट्ने जलकै हुन खोज्दैछु म

लेखकका अन्य रचना पढ्न यहाँ क्लिक गर्नुहोस ।