14 वर्ष देखी निरन्तर
समकालीन साहित्य

मंज़ूर छ

कविता माधबराज दहाल June 29, 2020, 4:47 pm

समय ! कर्फ्यू आदेश

था’छैन मेरो छातीको

कुन कुनो ताकिरहेछ,

दिउसैं ऐंठन तुल्य

लम्पसार म

चल्न चट्पटाउन निषेध छ।

मेरो नीति र उसको नीति बीचको यो पटाक्षेप

पटक पटक,

मेरो ज़िन्दावाद

उसको मुर्दावाद

मेरो मुर्दावाद

उसको ज़िन्दावाद

बिलकुल उत्तर दक्षिण ।

आआफ्नै

विरासतको गीत

घडी पला प्रहर

विरासतकै डंका पिटनुको

औचित्य

म मैं

तिमी तिमी नैं

हो त?

यक्ष प्रश्न मेरो

आमने सामने मंज़ूर छ।

हाल अमेरिका।

लेखकका अन्य रचना पढ्न यहाँ क्लिक गर्नुहोस ।