14 वर्ष देखी निरन्तर
समकालीन साहित्य

गजल

गजल विनोद शर्मा सानुभाई July 22, 2020, 9:59 pm

टिपेपछि कोपिला फूल्न भन्छौ तिमी

बसेपछि माया भुल्न भन्छौ तिमी ।

एउटा घाम अर्को जुन सँगै हुनु कसरी

बालुवालाई पानीमा घुल्न भन्छौ तिमी ।

काँडा झैं स्वभाव के देखिन्थ्यौ कोमल

लटरम्म धान जस्तै झुल्न भन्छौ तिमी ।

पिञ्जडामा थुनेर राखेको सुगालाई

जा जा खुला आकाशमा डुल्न भन्छौ तिमी।

लाजको घुम्टो ओढेकी लजालु दुलही हैन

पर्दा ठान्यौ की कुन्नी खुल्न भन्छौ तिमी।।

लेखकका अन्य रचना पढ्न यहाँ क्लिक गर्नुहोस ।