14 वर्ष देखी निरन्तर
समकालीन साहित्य

एउटा अर्को घाम !

कविता मिजास तेम्वे August 3, 2020, 4:18 am

शिशिरे जाडो,

क्रमश चिसो साँझको आक्रमण

त्यो युद्धबन्दी जसलाई समयको घृणा

र,

भर्सनाले समातेका छन् ।

सुनसान कोठामा एक्लोपनसंग निसासिरहेको छ ।

एउटा चट्टाने ठाउँ पाएर पनि उसको,

त्यो विश्वासमा जादुमय आकर्षण छ ।

एउटा बिराट आशाको घाम !

फेरि एउटा असत्य विहानी

लाहुरेप्रेमी भएर तल तल

अझ तल,

गिरिरहेको छ ।

एक्लै नछाड त्यसलाई...

अनिष्टको पुनरावृित्त हुनुहुन्न फेरि ।

अव जरै देखि उखेल्नु पर्छ ,

ती खिया लागिसकेका किल्लाहरुलाई,

पर्गाल्नु पर्छ,

ती बरफ जमेका भित्ताहरुलाई,

थाल ठटाएर चिर्नु पर्छ,

युगौ देखिको मौनताहरुलाई ।

अव तोड्नु पर्छ ती हातहरुलाई

जसले तिम्म्रा हरेक विहानीहरुको हत्या गरेका छन् ।

लेखकका अन्य रचना पढ्न यहाँ क्लिक गर्नुहोस ।