14 वर्ष देखी निरन्तर
समकालीन साहित्य

गजल

गजल आशा लिम्बू August 3, 2020, 4:56 am

हत्केलामा ठेला उठोस् छोरा सन्तुष्टको गास होस्

सर्वत्र हँसिलो मुहार सुस्वास्थ चिरायूको सास होस्

.

अघात माया र सदा आशीर्वाद आमाको तिमीलाई

बाल्यभन्दा झन् कमाउ जीवन तिम्रो खास होस्

.

दायित्वको पहाड मुटुभरि बोकि सहर या बगर छौ

जहाँपुगे पनि त्यही तिमीलाई सुरक्षित बास होस्

.

हरेक प्रसन्नताहरुले हाँस्दै पछ्याइरहोस् तिमीलाई

कष्टका नमिठा जति, तिम्रो विगत सबै नास होस्

.

हुर्कंदै जाउ क्रमसः हाँसोखुसीका अनेक रङहरुसँग

त्यही खुसीभित्र आत्मीयता सुखको पनि रास होस्

लेखकका अन्य रचना पढ्न यहाँ क्लिक गर्नुहोस ।