14 वर्ष देखी निरन्तर
समकालीन साहित्य

म त मलामी हिंडिरहेछु

कविता बैद्यनाथ उपाध्याय August 18, 2020, 9:39 pm
बैद्यनाथ उपाध्याय
बैद्यनाथ उपाध्याय

म त

आफ्नै इच्छा-आकांक्षाहरूको

मलामी हिंडिरहेछु।

यो अपशकुन समयमा

सामर्थ्यको साँगुरो गल्लिभित्र

आत्महत्या गरिरहेका हुन्छन

अनगिन्ती अभिलाशाहरू।

जलिरहेकै छन चितासरी

विवशताको कात्रोमा लपेटिएका

मेरा चाहनाहरू।

धेरै सपना थिए

कुनै दिन

इन्द्रेणी सजाउने

आकाशभरी

जीवनको खुला फाँटभरी

नियतिको कोपदृष्टी परेको

यस घडीमा

भताभुंग मेरो गाँउ-बस्ती

छर-छिमेक सबैसंग

एक साथ

म त

आफ्नै इच्छा-आकांक्षाहरूको

मलामी हिंडिरहेछु!

लेखकका अन्य रचना पढ्न यहाँ क्लिक गर्नुहोस ।