14 वर्ष देखी निरन्तर
समकालीन साहित्य

मानिस

कविता राजु घिमिरे September 1, 2020, 9:30 pm
राजु घिमिरे
राजु घिमिरे

मानिसहरुमा मानवता हराएको छ ।

हत्या, हिंसा र अत्याचार बढेको छ ।।

सबैका घरमा भई रहेका छन् रिसराग ।

समुदायमा पनि छ है एकदमै भेदभाव ।।

रातो रगत र आत्मा एउटै छ मानवको ।

मान्छे मान्छेमा व्यवहार चाहिँ तनावको ।।

एउटै भनेर बुझ्नु पर्ने हो आत्मा सबैको ।

सम्बन्ध हाम्रो परम्परा हो भाइचाराको ।।

आफु मात्र राम्रो हुने सबैको बुझाई भयो ।

मानवताको परिचय र भावना कता गयो ?

आधुनिक मानिस हामीले बुझ्नु पर्छ अब ।

सम्मानजनक समाज बनाऔँ है त अब ।

लागि परौँ सबैजना असल व्यक्ति हुनलाई ।

राम्रो काम गरेर सम्मान लायक बन्नलाई ।

मानव हामी आफु बने बन्छ राम्रो परिवार ।

सामाजिक मेलमिलाप हामी सबैको धरोहर ।

सुख, सम्बृद्धि र शान्ति हामी सबैको चाहना ।

सभ्य, भव्य र असल समाज हाम्रो कामना ।

सालु रामेछाप , हाल ललितपुर

लेखकका अन्य रचना पढ्न यहाँ क्लिक गर्नुहोस ।