14 वर्ष देखी निरन्तर
समकालीन साहित्य

म इतिहास बाँचिरहेको छु

कविता बैद्यनाथ उपाध्याय September 1, 2020, 9:44 pm
बैद्यनाथ उपाध्याय
बैद्यनाथ उपाध्याय

इतिहासमाथि उभिएर

म पाहाड लम्किरहेछु।

त्यो अग्लो

भिरालो पाहाडको चट्टानबाट

एउटा बिरूवाले पालुवा हाल्दैछ

आफैंलाई थेग्नलाई

चट्टानलाई जकडेको छ

आफ्ना जराहरूले।

त्यो पाहाडको चट्टानमा

कहाँ मल-जलको सवाल?

शुष्क मौसमको चर्को घाममा

निस्फिक्री हुर्किरहेको

त्यो बिरूवाले

गरेन कुनै गुनासो

सृष्टिकर्ता सँग

गरेन प्राप्ति-अप्राप्तिको

कुनै लेखा जोखा

खुसी खुसी

आकाश लम्किरहेको

त्यो बिरूवा

अरू कोहि हैन

म नै हूँ।

पाहाडको विकट चट्टान फोरेर

म इतिहास बाँचिरहेको छु।

लेखकका अन्य रचना पढ्न यहाँ क्लिक गर्नुहोस ।