14 वर्ष देखी निरन्तर
समकालीन साहित्य

पर्याको अन्तर्यमा मानव

कविता मुकुन्द पोखरेल October 4, 2020, 8:12 am

कञ्चन पानीको तिर्खा मेट्न

मुहानको सौन्दर्य राखौँ

न्यानो घाम ताप्न

बादल÷कुहिरोको घुम्टी खोल्दै

बल्दो सूर्य खोजौँ ।

त्यस्तै शान्त, स्निग्ध रात

चाहिए चाँढै आउने

पूर्णचन्द्र रोजौँ ।

स्वच्छ, शालीन श्वास लिन

म, भन्छु

धरती, आकाश

पर्यावरणीय सौन्दर्य राखौँ ।

जब यी विचलित हुन्छन्

प्रदूषण विश्वपर्यटक जस्तै

धरतीतिरै ओर्लिन्छ

तब हामीमा

कोरोना जस्ता महामारी

बल्छी थाप्न आउँछन् ।

हामी होमो स्यापियन्स

वंशजका मानव हौँ

अधुनातनको जीवन,

जोगाउन पनि पर्या

अपरिहार्य छ ।

पर्या प्रदूषित हुँदै

असन्तुलित बन्दा

डायनोसर, नियान्डरथल

जस्ताको नियति

नआओस् भन्छु, म ।

लेखकका अन्य रचना पढ्न यहाँ क्लिक गर्नुहोस ।