14 वर्ष देखी निरन्तर
समकालीन साहित्य

स्वतन्त्रता

कविता बिक्रम याक्खा October 4, 2020, 8:23 am

पहाडलाई नजिकबाट नियाल्न चाहान्छु

निलो सागरको छालसितै उठन् चाहान्छु

रङ्गी बिरङ्गी जंगली फुलझै फुल्न चाहान्छु

लह लह फाँटहरुमा धानझै झुल्न चाहान्छु।

ओ नरोक! मेरा पाईलाहरु

नखोज अँध्यारो गुफामा राख्न मलाई

न लगाउ काँडे तार र पर्खालहरु छेक्नु

अंह म कुनै दास हैन चुपचाप सहेर बस्ने ।

छाडिदेउ मलाई मेरो खुसी खुसी नै

जसरी चील झैं उडुँ धेरै माथि माथि

धर्तीदेखि क्षितिजहुँदै आकाशसम्म!

म आफ्नै दुनियाँमा रमाउन चाहान्छु

कसैको बिना भेदभाब ,बिना दबाब !

किन कि म स्वतन्त्रता चाहान्छु।

पाँचखपन ६ संखुवासभा ।

लेखकका अन्य रचना पढ्न यहाँ क्लिक गर्नुहोस ।