मनको फाँट भरि
विचार दगुरेर
निद्रा कचपचिएको रात
यो मनलाई च्यातेर
धुजा-धुजा पारी
कतै फ्याँकिदिउँ
जस्तो लाग्छ।
जन्म-जन्मान्तर देखि
अतृप्त, असन्तुष्ट
यो मन
दुख भरिएर
पोखिएको अँध्यारोमा
छटपटाई रहेको हुन्छ।
यो तनको त के कुरा
कति ठाउँमा
चोटैचोट लागेर
क्षत-विक्षत भएर
लम्पसार परे जस्तै
जताततै दुखिनै
रहेको हुन्छ।
मान्छे विभिन्न
कारकहरूको
संमिश्रण जस्तै न हो
के सोचि रहेको हुन्छ
अनि के भै रहेको हुन्छ।