14 वर्ष देखी निरन्तर
समकालीन साहित्य

म भित्र भित्रै जलिरहेछु

कविता निलकमल छेत्री November 8, 2020, 3:41 am
निलकमल छेत्री
निलकमल छेत्री

झल्की रहेछ बाहिरी

मुहारमा मुस्कानका

छर्पस्ट छिटाहरू

भित्रि मुहारमा

ती छर्पस्ट छिटाहरूका

काला थेगलाहरुले

मलाई छेके पछि, म भित्र भित्रै जलिरहेछु |

आँखा भित्रिका न्याँनहरु

आँशुले निथ्रुक भिझे पनि

बग्न् लागेकोआँशुुलाई

आँखा भित्रै सुकाई

मरुभूमिको संसारमा म भित्र भित्रै जलिरहेछु |

निन्द्रालाई रातको सपना देखाएर,

ओछ्यालाई म आउने आशामा राखी

म आफै चैं बिपनिको संसारमा भित्र भित्रै जलिरहेछु |

आशाका धागाहरु समेटेर

माकुराले झैँ सफलताका

जाल बुनिरहेको बेला,

तिर्व गतिमा अनयासै चलेको बताशले

मेरा सफलताका

जाल लाई फेरी

आशाका त्यान्रोमा परिणत गरेपछि

म भित्र भित्रै जलिरहेछु |

भारत

लेखकका अन्य रचना पढ्न यहाँ क्लिक गर्नुहोस ।