14 वर्ष देखी निरन्तर
समकालीन साहित्य

गीत

गीत हस्त गौतम 'मृदुल' September 25, 2008, 2:48 pm

स्तब्ध पारी अबसान भयौ शोकमा डुबाई

संधैका लागी छोडेर गयौ यो मन रुवाई

असैहय क्षति भोगेर पनि रित्तता भर्दैन

बिधिको बिधान यस्तै नै रैछ टारेर टर्देन

भाग र भोग यत्ति नै रैछ शुन्यमा बिलायौ

आखिर रै छ दैवकै लिला उसैमा मिलायौ

स्तब्ध पारी …………………………

बिस्रने छैनौ राष्ट्रले पनि अमुल्य योगदान

युगौ युग गाउने छौ तिम्रो कृतिको जयगान

आत्मालाइ सधा चीर शान्ती मिलोस यही छ पुकार

भावपूर्ण अन्तिम श्रद्धांजली यसैलाइ स्वीकार ।

स्तब्ध पारी………………………………

अमेरिका

(साहित्यकार अग्निशिखाको असामयिक निधनमा भाव विव्हल भएका कविको हस्ताक्षर - सम्पादक

लेखकका अन्य रचना पढ्न यहाँ क्लिक गर्नुहोस ।