दीपावली आए जस्तो लाग्थ्यो

कविता निलकमल छेत्री December 14, 2020, 10:40 pm

त्यो बेला दीपावली आए जस्तो लाग्थ्यो

जुन बेला घर वरिपरि सयपत्री अनि मखमली फूलेको हुन्थ्यो ।

कमेरो माटोले पोतेको पेटिको ठीक मुनि

गधवरीको बाशन चल्थयो

त्यसैले पो दीपावली आए जस्तो लाग्थ्यो ।

पल्लो घरको साइली दीदी

कटेरोमा आसुँसरी हुँदै सेलरोटी पकाउँथिन्

र पो दीपावली आए जस्तो लाग्थ्यो ।

गाऊँ घरका भुर्रा -भुर्री जानी नजानी

चारकुणे आँगनमा उफ्रिदै

देउशी खेल्न आउँथे

र पो दीपावली आए जस्तो लाग्थ्यो ।

धरका ढोकाहरुमा केराको थाममा गाढी

सयपत्री, मखमली,गधवरी अदिकको माला उनेर

लगाउने चल्न थियो

र पो दीपावली आए जस्तो लाग्थ्यो ।

घरको बराँन्डा वरिपरि माटोको पालामा

सुद्ध खाने तेल हालि सक्कलि बाति बाल्ने चल्न

थियो र पो दीपावली आए जस्तो लाग्थ्यो ।

सबै परिवार भेला भै गर्बका साथ

सांस्कृतिक तरिकाले मनाउने चल्न् थियो

र पो दीपावली आए जस्तो लाग्थ्यो ।

लेखकका अन्य रचना पढ्न यहाँ क्लिक गर्नुहोस ।