15 वर्ष देखी निरन्तर
समकालीन साहित्य

गजल

गजल अलका मल्ल October 16, 2021, 2:24 pm
अलका मल्ल
अलका मल्ल

तँ तँ र म म गर्दै बिति जाने जिन्दगी
धुवाँको मुस्लो त रैछ नि जिन्दगी

डम्म फुल्दै धक्कु छोड्नेले किन नबुझे हँ
एक निमेसको खाक त रैछ नि जिन्दगी

हर प्रहर कहरको भिडमा थुप्रिंदै गएको
लाश माथि खप्टिनु त रैछ नि जिन्दगी

छल कपट र डाह इर्ष्यामा डुब्नेहरु बुझ्नु
आखिर सबको आर्यघाट त रैछ नि जिन्दगी

रुँदै गएको मलामी हाँस्दै फर्के लौ हेर !
बिन्दास जीवन पनि त रैछ नि जिन्दगी

काठमाडौं

लेखकका अन्य रचना पढ्न यहाँ क्लिक गर्नुहोस ।