18 वर्षदेखि निरन्तर
समकालीन साहित्य
समकालीन साहित्य
अब त बोलन आमा अब त बोलन
चोली सब रंगियो रगतको धाराले
अब त बोलन ।
मेरो त आमा जीन्दगी नबुझ्दै अस्तित्व लुटियो
संसार रम्ने ज्योतिको दर्शन नपाउँदै मेटियो
अब त बोलन आमा अब त बोलन
चोली सब रंगियो रगतको धाराले
अब त बोलन ।
मन्दिर जादा बजा’नी घण्टी त्यो पत्थर बोल्दैन
हे आमा तिमी बोलन अब पत्थर त तिमी हैन
अब त बोलन आमा अब त बोलन
चोली सब रंगियो रगतको धाराले
अब त बोलन ।
म एउँटा छोरी भएर जन्मे यही मेरो कसुर
पन्छाइदेऊ आमा अस्तित्व लुट्ने ब्वाँसा र असुर
अब त बोलन आमा अब त बोलन
चोली सब रंगियो रगतको धाराले
अब त बोलन ।
न बच्न सक्छु दाइ र भाई न बाबासँग नै
न हाँस्न सक्छु, न खेल्न सक्छु, पुतली उडे झैं
अब त बोलन आमा अब त बोलन
चोली सब रंगियो रगतको धाराले
अब त बोलन ।
सागर उर्लियो अश्रुधाराले अब त बोलन ।
मेलम्ची २, सिन्धुपाल्चोक, हालः गोकर्णेश्र ५, काठमाडौं ।