17 वर्षदेखि निरन्तर
समकालीन साहित्य
समकालीन साहित्य
अचेल चकमन्न साथ मन पर्नु थालेको छ
अचेल चकमन्न याद मन पर्नु थालेको छ
कोमल मनै छेड्ने हल्लाको सहरदेखि अति टाढा
अचेल चकमन्न मात मन पर्नु थालेको छ
कति जोगिनु उज्यालोमा अँध्यारो मन भिर्नेदेखि
अचेल चकमन्न रात मन पर्नु थालेको छ
सधैँ कहाँ मिठो हुन्छ र रातो ओठले गरेको हल्ला
अचेल चकमन्न बात मन पर्नु थालेको छ
दुखाउँछ भने पनि दुखाओस् चुपचाप सहिदिन्छु बरु
अचेल चकमन्न घात मन पर्नु थालेको छ