15 वर्ष देखी निरन्तर
समकालीन साहित्य

म बजारमा छु अचेल

कविता नम्रता गुरागाईं December 31, 2021, 11:15 am
नम्रता गुरागाईं
नम्रता गुरागाईं

म बजारमा छु अचेल
हातमा शिप छ
आँखामा अनवरत देखिरहने सपना छन्
खुट्टाहरु सुदुर दुरको यात्राको तय गरिरहेछन्
मलाई मेरा खुशीहरुमा
तपाईंका खुुुशीहरु साट्न मन छ
यताका अनुभब र त्यताका अनुभव मिलाएर
एउटा दह्रो डोरी बाट्न मन छ
म बजारमा छु अचेल
मेरो शिप कसैले किन्नु हुन्छ कि हजुर ?

म हिँड्ने बाटामा थुप्रै तगारा छन्
हिमालजति नै अग्लिरहने थुप्रै अप्ठयारा छन्
म त्यही अप्ठ्यारोभित्र सजिलो खोजिरहेछु
मुठी कसी आफैमा
साहसको वर्तन हालेर
म हिडने बाटो उज्यालो पारिरहेकी छु
मेरा हातमा भएको शिपले
कसैको कला सजाइदियो भने
म धन्य हुने छु
म बजारमा छु अचेल
मेरो शिप कसैले किन्नु हुन्छ कि हजुर ?

हिंस्रक हातहरुले
मेरा साह्रागाह्रालाई कतै छोलान् कि
मेरो लचिलोपनाको फाइदा उठाउलान कि
म उत्तिकै चनाखो छु र
समयसँग यति अनुरोध गर्छु कि
सभ्य समाजका असभ्य आाखाहरुले
म जस्ता अरु धेरै पौरखीहरुको हिड्ने बाटो नदेखुन
देखुन त यति देखुन
उनिहरुसँग भएको उत्साह देखुन
उनिहरुसाग भएको भित्री क्षमता देखुन
उनीहरुमाथिको वर्तमानको मेहनतमा भविष्यको आशा देखुन
म बजारमा छु अचेल
मेरो शिप कसैले किन्नु हुन्छ कि हजुर ?

अमेरिका

लेखकका अन्य रचना पढ्न यहाँ क्लिक गर्नुहोस ।