पृथ्वी नारायणको सन्देश

कविता शर्वराज आचार्य. January 22, 2022, 9:41 am

---

कुचक्रीको भोग्यौँ पल पल ठुलो हाँक कटक

थियो आफ्नै साना मुलुकसँग सन्त्रास झपट

हटाई बिस्तारै कटक भय सारा जन जन

मिली आर्ज्याको हो घर घर पहाडी उपवन

१

सबैको साझा हो सकल फुलबारी रनवन

जहाँ मौरी गर्छन् फुल फुल निहारी भुन भुन

यहाँ मौरीका छन् मधु मधुरिमा मञ्जुल गला

जता हे¥यो उस्तै अमरपुरको नर्तन कला

२

बसेका हामी छौँ अमृत महको सेवन गरी

सुधाले नै बन्छिन् सकल धरती देव नगरी

सुधा बग्ने झर्ने उपवन छ यो रम्य सहर

लगाएको अग्लो शिखर अलका देश गजुर

३

कुचक्री आएछन् रङ बिरङगका भेष बदली

यहाँ नाचेका छन् उपवन बनाएर डबली

कतै होला जस्तो धुमिल नव शोभा र सुषमा

चनाखा आँखाले यस मुलुकको राख गरिमा

४

गरुन् सारा योद्धा युग युग सुरक्षा उपवन

कुचक्रीको कैल्यै पयर नपरोस् कुत्सित मन

कुचक्रीले पार्लान् घर घर फटाएर झपट

जुटून् मौरी आफ्नै श्रमसित नराखी खटपट

५

लेखकका अन्य रचना पढ्न यहाँ क्लिक गर्नुहोस ।