16 वर्षदेखि निरन्तर
समकालीन साहित्य
समकालीन साहित्य
चप्पलै लगाउ बरु खुट्टामा काँडाले खोप्न सक्छ ।
सुख छ भन्दैमा खुशी नबन दु:खले छोप्न सक्छ ।
भरै हुन्न अचेल बजारमा लिलाम हुने मायाको,
होसियार हुनु माया गर्दा मुटुमा तिर घोप्न सक्छ ।
मुस्कुराइ दुश्मनले अंगालो हाल्दैमा मख्ख नपर्नु,
किनकी त्यसैले पछाडिबाट नै छुरा रोप्न सक्छ ।
ऊ मेरै भोटले जितेको नेता हो तर विश्वास छैन,
थाहा छ मलाई भ्रष्टको दलदलमा चोप्न सक्छ ।
बाजुरा