हार र जितको बिचमा
म त मधुरो रेखा देख्छु साथी !
उकालो चढ्नु र ओरालो झर्नुमा
म त एउटा बिन्दु देख्छु साथी !
जब मझधारमा तिमि पुग्छौ
वारि र पारि सापेक्षित हुन्छन् |
एक पाइला पर सरे
पारि पुग्छौ
एक पाइला वर सरे
वारि आइपुग्छौ,
तिमीलाई मझधारसम्म
यत्नका साथ काँध थापेर पुर्याउँछन्
तिम्रो हरेक पाइलामा धुरु धुरु रुन्छन् |
हार र जितको बिचमा
म त मधुरो रेखा देख्छु साथी !
उकालो चढ्नु र ओरालो झर्नुमा
म त एउटा बिन्दु देख्छु साथी !
आफ्नो छिनोफानो आफै गर्छौ,
जित्यौं जित्यौं हार सबै निमिट्यान्न भो भन्छौ
असल र खराबको पातलो झिल्लिले
तिमीलाई झुक्याउँछ,
हार र जितको बिचमा
म त मधुरो रेखा देख्छु साथी !
उकालो चढ्नु र ओरालो झर्नुमा
म त एउटा बिन्दु देख्छु साथी !
अश्राङ्ग, गोरखा,(हाल – कटुन्जे, भक्तपूर