15 वर्षदेखि निरन्तर
समकालीन साहित्य

गजल

गजल राजु “हिमांशु” November 6, 2022, 7:46 am
राजु “हिमांशु”
राजु “हिमांशु”

वर्तमानमा उसको अधिकार छैन कुनै
अतीततिर तिम्रो अख्तियार छैन कुनै

विगत भनेकै ऊमात्र हो नि मान नमान
हाम्रो नातामा उसको केरकार छैन कुनै

वर्तमान भनेकै तिमी मात्र हौ चारैतिर
व्यतीत पलमा मेरो सरोकार छैन कुनै

रातिएको तिम्रो सिउँदोको शक्ति छ धेरै
गहिरो त्यो साइनोमा छेकाबार छैन कुनै

सत नरहे निमोठिन्छ नि भरोसाको घाँटी
साँचो किस्सा साथको निराधार छैन कुनै

डाउहिल, खरसाङ, भारत।

लेखकका अन्य रचना पढ्न यहाँ क्लिक गर्नुहोस ।