18 वर्षदेखि निरन्तर
समकालीन साहित्य
समकालीन साहित्य
बेशृङ्गार भएरै बस्छु
बेशृङ्गार भएरै बस्छु बरु
चोब्दिनँ कूची रङ्गमा अरू
बेघर भएरै बस्छु बरु
बगाउँदिनँ रगत आफ्नै अरू
सहदिनँ म त आघात सहदिनँ
मनसित गाँसिएको माया लुछिएको
बनाउँदिनँ म त घर बनाउँदिनँ
बालुवासित आफ्नै रगत मुछिएको
बेशृङ्गार भएरै बस्छु बरु
चोब्दिनँ कूची रङ्गमा अरू
बेघर भएरै बस्छु बरु
बगाउँदिनँ रगत आफ्नै अरू
चाहिएन साथ यहाँ चाहिएन
छातीभित्र-भित्रै दुश्मनी खोपिएको
चाहिएन माया पनि चाहिएन
साइनोभित्र-भित्रै स्वार्थ रोपिएको
बेशृङ्गार भएरै बस्छु बरु
चोब्दिनँ कूची रङ्गमा अरू
बेघर भएरै बस्छु बरु
बगाउँदिनँ रगत आफ्नै अरू