गजल

गजल भुपेन्द्र महत October 27, 2008, 10:07 am

---

मनको पाखो बाँझो हुँदा तिमी तर्की दियौ

डुबानमा छु आज भोली फेरी दर्की दियौ

आबरणमा अबतरण दोष आफ्नै हो कि

नौनी जस्तो लागथ्यो छाती भरी चर्की दियौ

हतारमा के थियो भोक थियो कि भोग

फुको फाँको यस्तै निल्न खोज्दा सर्की दियौ

आस्थाको सहयात्रा सहज थिएन क्यारे

यात्रामा एक्लै पारी बिच बाटो फर्की दियौ

मनको दैलो मैलो भयो दिल अन्धो कस्तो

अनुरागमा दाग थेन फेरी झर्की दियौ

लेखकका अन्य रचना पढ्न यहाँ क्लिक गर्नुहोस ।