14 वर्ष देखी निरन्तर
समकालीन साहित्य

एउटा टुक्रा कागज

कविता दीपक जडित October 26, 2008, 9:34 pm

एउटा टुक्रा कागज

धेरै अघिदेखि म

कोर्दै मेट्दै कोर्दै मेट्दै

थोत्रे पारिरहेथेँ

गज्याँङ्ग मज्याँङ्ग अक्षरहरुको

केरमेट केरमेट चित्र कोर्दै

कागजमा खुरुखुरु

मैलाई सारिरहेथें

लाग्थ्यो

मान्छेले यस्लाई बुझ्न नसक्लान्

त्यसैले हो क्यार

हुर्याईदियौ तिमीले

त्यो चिर्कटो पढ्न नसकेर

र भुईँमा म यतिखेर

त्यही टुक्रा कागज दुखेको छु ।

लेखकका अन्य रचना पढ्न यहाँ क्लिक गर्नुहोस ।