14 वर्ष देखी निरन्तर
समकालीन साहित्य

कालखण्ड

कविता सङ्गीत आयाम October 31, 2008, 12:54 am

चेतनाका अवयवहरूलाई

बन्दी बनाएर

कैदखानाभित्र

उन्मुक्त आकाशको कुरा गर्नु

मात्र समय लेख्ने यात्रामा

इतिहासलाई एकलब्य बनाएर

द्रोणाचार्य बन्नुजस्तै हो

न समय

अनुभूतिजन्य छ

निहत्था लासहरूमाथि

न आकाश छाम्दै

मौलिक र्स्पर्शलाई

अभिषेक गर्न सकिन्छ

विजयोत्सव मनाएर ।

हिंसाग्रस्त मनहरूको जुलुसमा

शान्तिको मधुशाला पिएर

संवाद खोज्दै

अघि बढ्नु

मात्र सत्य अनावरण गर्ने क्रममा

संवेदनामाथि घोडा चढ्दै

सत्तासीन बन्नुजस्तै हो

न सत्य

परिभाषित छ

बलात्कृत उमङ्गमाथि

न संवादलाई

प्रत्यारोपित गर्न सकिन्छ

फूलहरूको आत्महत्यामा ।

लेखकका अन्य रचना पढ्न यहाँ क्लिक गर्नुहोस ।