कहिल्यै अघाएन दुष्ट

कविता प्रा. डा. मोहन प्रसाद जोशी November 5, 2023, 3:52 pm

---

करोडौँ विचार माथमा,
पोकोपन्तरो हातमा,
मैलो मन साथमा,
हिँडाइ मध्यरातमा ।

औँसीको जस्तो अन्धकार,
लडिने, ठोक्किने बारम्बार,
चिन्ताहरू हजारौँहजार
आएर कोर्छन् मेरो निधार ।

तैपनि मन छ लिप्त र मस्त,
वासनाग्रस्त, भोग्नमै व्यस्त,
कहिल्यै अघाएन हरे ! यो दुष्ट,
पार्यो जिन्दगी अस्तव्यस्त ।

अमेरिका

लेखकका अन्य रचना पढ्न यहाँ क्लिक गर्नुहोस ।