17 वर्षदेखि निरन्तर
समकालीन साहित्य

भ्रम पथ

लघुकथा डा. विदुर चालिसे November 5, 2023, 4:24 pm
डा. विदुर चालिसे
डा. विदुर चालिसे

सन्तहरू मठमा बस्नुको कारण बारे आफ्ना अनुयायीहरू लाई चंगेज खाँले सोधे । उनका अनुयायीहरू अत्यन्त धूर्त थिए । उनीहरू को चलाखीले चंगेज खाँले जवाफ पाइहाले ।
––“हजुरले पनि किन यस्तो प्रश्न गरिबक्सन्छ ?”
चंगेज खाँले उनीहरू को नियत बुझेपछि उनले तुरुन्त आफ्नो मैदानमा रहेका दलालहरू लाई समातेर ल्याउने आदेश दिए । तर उनीहरू लाई अप्ठेरो पर्यो अनि उनीहरू जब एकदिन दलाल चोरलाई कुर्र्दै िथए । त्यतिबेला तिनलाई एक मानिस आएर सोध्यो ।
––“के तपाईले चोर कुर्ने मान्छेलाई देख्नु भो ?”
चंगेज खाँका मानिसहरू लाई मन मनै झसक्क जिज्ञाशा उफ्र्यो ।
––”यो मान्छेले कसरी चोरको बारेमा थाहा पायो !! कतै, यही त चोर हैन ?”
उसमा अर्काे प्रश्न जन्म्यो र त्यतिकैमा त्यो मान्छे अलप भयो । अर्काे दिनको कुरा थ्यो । साधुहरू मठमा बस्नुको कारण गाउँमा कचहरी चलेको थियो । उनीहरू का गेरुवा बस्त्र थिएनन् । माग्नेका जस्ता च्यातिएका कपडा र भोजनका लागि भात पात्र मात्रै थियो । त्यतिबेला साँच्चिकै साधुको भेषमा एउटी बुढी आइमाई आएर उसलाई सोधी ।
––“के तपाईले चोरलाई भेट्नु भो ? उ अक्क न बक्क पर्याे । उसलाई मनमा लाग्यो ।
––“मैले चोर कुरेको कुरा यो बुढीलाई कसरी थाहा भो !!”
फेरि अर्काे केही दिनपछि अर्काे एकजना कुटनीतिज्ञले उसलाई सोधे ।
––तपाईको चोर भेटियो ?
उ हैरान थियो । उनीहरू का अनेकन प्रश्नमा केही न केही दम थियो, तर उसले बुझेन । बरू ! उसले चोर समाउने नाममा राजनीति गर्न छोडेन । जब बुढेस कालको अन्तिम प्रहरसम्म हार खाएर उ भगवानको नाम लिंदै थियो । तब उसले त्यो चोरलाई भेट्यो । आँशु टिलपिल पार्दै आँखा यताउता नचायो ।
––“त्यो चोर नाचिरहेको देख्यो ।”
तब चंगेज खाँले उसलाई नै धूर्त देखे झैं लाग्यो ।
––“इदम् मित्थ्या, यो भ्रम पथ ! सन्त र मठको महसुस चंगेजलाई कसरी भयो ?”
––“बस, चक्रवर्ती बादशाहको साम्राज्य बनाउने धोको !”

लेखकका अन्य रचना पढ्न यहाँ क्लिक गर्नुहोस ।