17 वर्षदेखि निरन्तर
समकालीन साहित्य
समकालीन साहित्य
म सानो पूजाकोठामा मात्रै थुनिएको छैन
त्यहाँ मात्र भेटिने साथी होइन,
म त सबैतिर व्याप्त छु
सबैलाई प्राप्त छु |
म पानीमा नुनझैँ विलीन छु
र हावामा अत्तरझैँ अदृश्य छु
तर पिएमा स्वाद अवश्य दिन्छु
र सुँघेमा बास्नाले चिनाइदिन्छु |
म तिम्रा भाषाहरूमा समेटिन्नँ
तिम्रा परिभाषामा बाँधिन्नँ,
शब्दका अर्थमा अटाउन्नँ,
सोचेर बोधगम्य हुन्नँ,
बरु तिनीहरु हटेमा झलमलाइदिन्छु,
जसरी
बादल हटेपछि सूर्य झलमलाउँछ,
नसा हटेपछि सुदृष्टि आउँछ,
खाली भाँडाले भरिन पाउँछ |
अमेरिका