19 वर्षदेखि निरन्तर
समकालीन साहित्य
समकालीन साहित्य
प्रिय बन्दाबन्दी,
एकै दिन धेरै दिवस आउँछन्
कुन चाहिँ मनाउने ?
घामपानीको मेसोमा
रमाउँदै इन्द्रेणी आउँछ
घरै बसेको कविले
कहाँ गएर समाउने ?
कोरोना कहरमा
कुँजिन्छ पनि
भोकले जिस्क्याउँछ पनि
रुघाखोकीले तर्साउँछ पनि
बढी रगरगले
ग्रिन जोन
खैरिँदै जान्छ
रातिँदै जान्छ
रातो रङ
विजयी रङ होइन सधैँ
पोजेटिभ रिजल्ट
सकारात्मक होइन सधैँ
रगरगले
प्रच्छन्नताले
बस्तीमा ओसारिरहेछ
नयाँ आगो
पिरो धुँवा
अहिले मृत्यु धुन
‘चरैवेती’ मन्त्रमै
सवार भइरहेछ ।
१ जेठ ०७७