18 वर्षदेखि निरन्तर
समकालीन साहित्य
समकालीन साहित्य
आफ्नै वारण्टी र ग्यारण्टी नभएको मान्छेले
वारण्टी खोज्छ
ग्यारण्टी खोज्छ
किनबेचहरूमा ।
धेरै लामो समयको वारण्टीमा खुशी हुन्छ
सस्तो दाममा राम्रो ग्यारण्टी पाएँ भन्छ
छिमेकीलाई सुनाउँछ
छिमेकीलाई जलाउँछ।
सामानको वारण्टी र ग्यारण्टी नपुगी
उसको वारण्टी र ग्यारण्टीको
म्याद भने सकिन्छ
अचानक
असमयमा ।
मान्छेले किन खोज्छ हँ
वारण्टी र ग्यारण्टी
क्षणभङ्गुर शरीर लिएर
किनबेचहरूमा?
डाउहिल, खरसाङ, भारत।