भर्देऊ मेरो मन

कविता प्रा. डा. मोहन प्रसाद जोशी January 16, 2025, 9:53 am

---

खाली छ आकाश
खाली छ धरती
खाली छ मेरो मन |

न बिहान खुसी
न दिउसो शान्ति
न राति सुत्छ मन |

तिम्रो यादले
धेरै सताउँछ
खुब रुन्छ मेरो मन |

तिम्रो बिछोडको
तीखो काँडाले
खुब दुख्छ मेरो मन |

यता छ शून्य
उता छ शून्य
शून्य छ मेरो मन |

कृपया आऊ
मलाई समाऊ
भर्देऊ मेरो मन |

पुनर्मिलनको
सौभाग्य दिएर
स्थिर गरिदेऊ मन |

अमेरिका

लेखकका अन्य रचना पढ्न यहाँ क्लिक गर्नुहोस ।