19 वर्षदेखि निरन्तर
समकालीन साहित्य
समकालीन साहित्य
झुकेर शिर चढाउनुभन्दा मर्नु निको हुन्छ
अन्याय सहेर मौन यहाँ टर्नु निको हुन्छ !
पसिना बेच्छु बरु, कहिल्यै स्वाभिमान बेच्दिनँ
रित्तो हात भोकै ओछ्यान पर्नु निको हुन्छ !
काँडाकै बीच फुलेर सुवास छर्नु छ मलाई
सङ्घर्षको छाल सानले तर्नु निको हुन्छ !
परचक्रीको आहारामा गिद्धे-नजर लाउनुभन्दा
आफ्नै पौरखले भकारी भर्नु निको हुन्छ !
बाँच्नु छ भने बाँचूँ सधैँ एउटा 'अक्षान्त' बनी
कायर भई स्यालझैँ भुइँमा झर्नु निको हुन्छ !