17 वर्षदेखि निरन्तर
समकालीन साहित्य

गजल

गजल दीपक जडित December 23, 2008, 4:38 pm

साना जुर्मुराए परिवर्तन ल्याए मौका उछिटे ठुलाले ।

न रंग छ न छ कुनै ढंग भनि सानालाई सिटे ठुलाले ।

साना झुकेनन् निहुरिएनन् शिर ठाडो गरेर उठिरहे ,

पख्लास ए ! तलाईँ भनेर कड्कीएर दाह्रा किटे ठुलाले ।

शुरु भो खेल सुकिला मैला बिच , खुल्लमखुल्ला बजारमा ,

रेखा विभाजनको मेटिनेछ भन्थे , दलित पिटे ठुलाले ।

नयाँ आकासमा स्वतन्त्र श्वास फेर्ने सानाको चाहनालाई ,

बन्द , हड्ताल र जुलुस् बनाई सडकमा घसिटे ठुलाले ।

भागबण्डा कुर्शीको लगाए उनैले र माथी बस्ने को भन्दै ,

म्यारिज बनाई परिवर्तनलाई तासमा फिटे ठुलाले ।

भन्दैथिए जलाउंछौं शान्तीको 'दीपक' घरघर सर्बत्र ,

सल्काएर राँको निर्धा झोपडी ति आगोमा अँचिटे ठुलाले ।

लेखकका अन्य रचना पढ्न यहाँ क्लिक गर्नुहोस ।