गीत

गीत कमलराज के.सी December 24, 2008, 3:02 pm

---

ज्युनूको सार छैन म व्यर्थै बाँचिर'छु

कुनै खुसीबिना नै म त्यसै हाँसिर'छु।

भ्रम हो मायापिरती झुठो हो जान्दाजान्दै

विपनाको विपरीत यो सपना हो ठान्दाठान्दै

भ्रमिलो विश्वासमै पिरती म गाँसिर'छु

कुनै खुसीबिना नै म त्यसै हाँसिर'छु।

धेरै भो जिन्दगीमा खडेरी छाएको छ

न यो जिन्दगीमा वसन्त आएको छ

कम्मर भाँची–भाँची म व्यर्थै नाचिर'छु

कुनै खुसीबिना नै म त्यसै हाँसिर'छु।

लेखकका अन्य रचना पढ्न यहाँ क्लिक गर्नुहोस ।