19 वर्षदेखि निरन्तर
समकालीन साहित्य
समकालीन साहित्य
रङ्गाएछौ, पछ्यौरीहरु छानी छानी !
अल्झाउन, मेरो बुटामा जानी जानी !
ठीकै भयो, तिम्रो काईयो हराएर
कोर्नु केस, मेरा औंला नै तानी तानी !
सुनका छन्, हथकडी र दील तिम्रा
दङ्ग छु म, स्वेच्छाले कैदी मानी मानी !
तिमी उता, छुट्टै म यता, जलि रह्यौं
भेट्ने तय, भए ठाउँमा पानी पानी !
तिम्रो घर, नाघेर जाने ईच्छा जागे
सख्त पार्छु, आफ्नै घुंडामा हानी हानी !