फर्कि आउनुस्

गीत हरिहर दाहाल February 8, 2009, 2:45 pm

---

मन को राजा पर-देशमा गाउँको चरी बनमा

आँशु पिउदै, बाटो कुर्दै नजर् पापि धनमा

परदेशमा दु:ख होला आँशु झर्दा होलान्

घर-परिवार संझिएर छाति पिट्दै रोलान्

छोरा- छोरी सोध्द्छन् संधै बाबा कैले आउने

रुदै भन्छन- बर्सौ भयो भेट्न कहिले पाउने

आउनुस् हजुर फर्किएर कती बस्नु पिरमा

संगै बसौं,संगै खोस्रौं आफ्नै पाखा भिरमा

साग- सिस्नु खाँउला बरु मन हाँसेर गाँउमा

दिल् खोलेर सुत्न मन छ तिम्रा कोमल पाउमा

मन मात्र नभरिएको सिमा छैन धनमा

सपना र आशा बढ्छन लोभि पापी मनमा

मरि जाने चोला हो यो कती बस्नु रुँदै

भेट् नहुने मायालु को प्रेम बन्दी हुँदै

बिन्ति हजुर फर्कि आउनुस् तड्पी रा छ मन

धन भन्दा खुशी ठुलो आफ्नै संस्कार पन

लेखकका अन्य रचना पढ्न यहाँ क्लिक गर्नुहोस ।