सोध्दैन कसैले मलाई मेरा केही हालखबर हरू ।।
अन्धकार छाएको झलमल बत्तीको उज्यालोमा,
काट्नै कठिन परेको छ तिमीबिना यी प्रहरहरू ।
बिरानो झैँ लाग्छन् यी बाटा गल्ली र यातायात,
कसैले केही सोधे पनी चुपचाप छन् यी अधरहरू ।
आऊ चाँडै बाँधिनु छ तिम्रो प्रेमिल अँगालोभरि,
पूरा गर्नु छ एकसाथ हाम्रा यी बाँकी सफरहरू ।
किन कसैको भरोसा लाग्न छोडेको छ आजभोलि
शंकास्पद देख्छु सबै सबैका मतिर हेर्ने नजरहरू ।
गान्तोक, सिक्किम
समकालीन साहित्य