जुटेर सुतिन्छ
फुटेर उठिन्छ ।
माफ गर्नोस महाशय,
राष्ट्रिय नियम हो यो
खेलाडी भनेका हामी सबै
बेरोजगार छाँै हजुर
जुटाउने र फुटाउने
हाम्रै हातका कुरा
त्यसैले,
जुट्दा पनि ताली ठोकिन्छ
फुट्दा समेत ताली ठोकिन्छ ।।
जे गर्छौ मज्जाले गर्छौ
हातको प्रमुख काम
ताली ठोक्ने हो ।
आँखाको मुख्य काम
रमिता हेर्ने हो ।।
हर्छ त हार्छ देश हार्छ
कसलाई के भो र ?
सिद्धान्तको चुरो कुरो
खेलाडी फेर्ने हो ।
विकासको मुलमन्त्र
जुटफुटको ताण्डव नृत्य हेर्ने हो ।।
चारखुट्टे दुईखुट्टे
जे को भए तापनि
टुक्रा चाहिँदैन झोल भएपछि
कौडीमा मिल्ने ,
मतको मोल भएपछि
जुट्नु र फुट्नु
सबै कालको, सबै तन्त्रको
एक मात्र उद्देश्य
दिनरात एकछत्र
विकास भन्ने कुरो
वाकेर सक्नेहरु ।
श्री ३, श्री ५, श्री १७ का
नाइकेहरु,
अझै पनि जुटफुट मै मस्ती छन्
हामी उनैका भक्तजनहरु,
दिनरात धूप बालेर
पूजा गर्छौ र नौवेद्य चढाउँछौँ ।
उनीहरुलाई शीरमा बोकिरहन्छौँ
मस्तले ताली ठोकिरहन्छौँ ।।
समकालीन साहित्य