यसपटक जटिल थियो– सौरभीको प्रसूति ।
प्रणयले नै ल्याएको थियो– सौरभीलाई अस्पताल । र, पछि घरका अरु आएका थिए ।
अहिले सबै बाहिर छन्; र, सौरभी अप्रेसन कक्षमा ।
नर्सले गेटबाट मुन्टो निकालेर निस्सासिएको स्वरमा भनी “आमा र शिशुमध्ये एउटा गुमाउनु पर्ने अवस्था देखा पर्यो ।"
सबैले मुखामुख गरे ।
प्रणय नर्सको नजिकै पुग्यो ।
र, नर्सलाई प्रणयले मसिनो स्वरमा सोध्यो– “शिशु छोरा हो कि छोरी?"
मुखभरिको थुक नर्सले बलैले घुटुक्क निली र गेटभित्र पसी ।
समकालीन साहित्य