तीन हजार तीन सय पचास मिटर उचाइको डाँडामा।
सगरमाथा, गौरीशङ्कर र नुम्बुर हिमशृङ्खलालाई हेर्दै,
प्रकृतिका अमूल्य उपहार बोकी, चुपचाप उभिएको छ खिजिदेम्बा।
मौनताले भरिएको प्राकृतिक परिवेशमा,
अध्यात्मको उज्यालो हरेक प्रभात झुल्किन्छ।
विशाल चैत्य, गोन्पा अनि थोलेदेम्बा देवथानमा,
चल्छ यहाँ पूजाआजा, गुञ्जिन्छन् रैथाने लोकभाका।
शिरैमा छ दिव्य प्रतिमा, पूजनीय गुरु पद्मसंभवको,
काखैमा सधैँ बोकेको छ, आशिष किल्खोर्दिङ गोन्पाको।
पाखामा हरियो गल्फ खेलमैदान, सुन्दर ढङ्गले सजिएको,
डाँफे र मुनालको मधुर स्वरले, खिजिदेम्बा गुञ्जिरहन्छ।
धुपी, सल्ला, सुनपाती र लालीगुराँस फुल्छन् पाखाभरि,
चौरीगाई र कस्तुरी मृग, खेल्छन् यहाँ बाह्रै महीनाभरि।
प्रकृति र संस्कृतिको मेल, अनुपम छ यसको महिमा,
खिजिदेम्बाले सधैँ चुल्याउँछ, ओखलढुङ्गाको गरिमा।
समकालीन साहित्य