18 वर्षदेखि निरन्तर
समकालीन साहित्य
समकालीन साहित्य
मलाई रहर छ आफ्नै गीत सुनाउने
मनको कुरा सुस्तरी गुन् गुनाउने
मलाई रहर छ ढकमक्क फुल्ने फल्ने
रहर छ समय मै सुटुक्क झर्ने
म झरेकोमा कसैलाई गुनासो नहोस्
म चुँडिएकोमा कसैलाई चासो नहोस्
म चाहन्छु एक्लै एक्लो हिँड्न
चाहन्छु हिँडिरहन, हिँड्दा हिँड्दै हराउन
म एक्लै हिँडेकोमा सुर्ता नगरुन् कोही
म हराएकोमा खोज्दै पनि नआउन् कोही
मलाई रहर छ आफ्नै गीत सुनाउने
मनको कुरा सुस्तरी गुन् गुनाउने